• Días: 7 e 8 de xaneiro
• Hora: 18:30h
• Lugar: Teatro Rosalía de Castro
• Entradas: Entrada única 8 euros (bono familiar 3 entradas a 18 euros). Á venda en www.servinova.com, taquillas Praza de Ourense e taquilla Teatro Rosalía.

Coa temática do “circus maximus”, ou circo romano, pretendemos celebrar o 8º aniversario da asociación con dúas únicas funciones para público familiar, sábado 7/domingo 8 de xaneiro, ás 18.30h, nas que participan numerosos artistas de manicómicos (números cómicos, circenses, pallasos…) e alumnos da nosa escola, para dar ambientación ao Teatro Rosalía, que nesta ocasión, será convertido nun particular Coliseum romano. Centurións, esclavos, patricios, vestais, plebeios, atletas olímpicos, gladiadores, carreiras de cuádrigas e ata “leóns” vivos darán cor a esta magnífica gala, en honra a un deprimido César (Pedro Brandariz) que ante a inminente crise e caída en picado do imperio romano, non é quen de levantar cabeza. Como non sae da súa depresión, a emperatriz (Vanessa Rivas) decide organizarlle unha sorpresa que lle devolva a ilusión perdida: a celebración do “circus maximus”. Quen faga rir ao César será laureado de por vida; quen non, botado aos “leóns”. Conseguirao alguén? Que será do imperio?

Cando? xoves 22 de decembro – 22 horas
Onde? Sala Filomatic (rúa san xosé, 21)
Canto? 4 euros

Despois do incríble éxito do primeiro cabaré, coa Sala Filomatic a tope de xente desfrutando do humor e o teatro, Manicómicos volta á carga cun novo cabaré de humor o vindeiro xoves 22 de nadal ás 22h na Sala Filomatic da Coruña! Animádevos a pasar un bo momento con todos nós!!!

Máis de 10 artistas en diferentes disciplinas: clown, danza, teatro xestual, malabares, monólogos…

Ven e cóntao…

Cando? venres 2 de decembro – 22 horas
Onde? Sala Filomatic (rúa san xosé, 21)
Canto? 4 euros

O mar anda revolto… Non afoguedes!!! Invitámosvos a embarcar noutra aventura máis dos Manicómicos… delirante, metabolizante, indestructible, irónica, indecente, inagotable… con estilo propio!

Máis de 10 artistas en diferentes disciplinas: clown, danza, teatro xestual, malabares, monólogos… Permitídevos ser os nosos náufragos particulares!

Actuarán: Uxía Vázquez, Guillermo Portas (Guille), Marcial Blanco e Paco Alvarellos (Paco e Xaco), Marta Mato, Ángela Blanco, Carlos Sante, Lorena Tomé, Keke Díez, Vanessa Rivas, Mónica Suárez e Daniel Lozano.

Ven e cóntao…

Comeza unha nova tempada de formación en Manicómicos. Máis cursos, máis completos, máis divertidos, máis tolos, máis manicómicos!!!

Un montón de propostas diferentes, para todos os gustos: Ioga, Canto e Técnica Vocal, Teatro Xuvenil, Creación Escénica, Pilates, Danza, Teatro Infantil, Teatro de Movemento, Escritura Teatral, Técnicas de Circo (para adultos e para peques), Clown e Improvisación e Mimo.

Continue reading…

En Manicómicos, rúa Andrés Gaos 16, baixo, A Coruña.
Os días 11-12-13 de outubro 2011, de 17-21h
Contacto e inscricións: manicomicos@hotmail.com – Tlfnos: 981262604 / 692213292
O prezo xeral é de 60€, pagables o primeiro día do taller (prazas limitadas: reservas por orde de inscripción)

Descrición do curso:

Para os que aínda non me coñecen e para os que se están preguntando “e que nos ensinará Chefa?”, aquí van unha serie de ideas e propostas de traballo, que non vos explico en detalle porque para iso está o taller, pero que vos poden dar unha idea do que imos facer. En termos xerais, exporei diversos exercicios para traballar aspectos específicos da improvisación e tamén (máis ben ao final), contareivos un pouco sobre os meus sinais e os meus criterios de condución.

1. Apertura e procura: desaprender o aprendido. Solos e dúos encadeados.
2. Debuxando o esquelete: outras referencias. Miniaturas.
3. Buscando o propio espazo: onde e cando bailar. O tres desexos.
4. O solo e o fondo: cando solear e cando integrarse no grupo. Grupos con solistas.
5. Buscar o noso propio material ou desenvolver un material dado. Os solos.
6. O traballo en grupo. A orquestra ou o corpo de baile.

Continue reading…